Shenja të plakjes nuk janë vetëm rrudhat

Life style

Shenja të plakjes nuk janë vetëm rrudhat

Më: 3 nëntor 2020 Në ora: 14:46
Foto ilustrim

Para se të shqetësoheni për rrudhat, iu duhet të dini se ato nuk janë e vetmja shenjë që ju po plakeni.

Njeriu që kur lind përjeton një plakje të vazhdueshme. Përpara moshës 25 vjeçare, trupi mund të rimëkëmbet në disa nivele, ndërkohë që plakja e vërtetë nis në moshën 40 vjeçare, shkruan “Living”.

Plakja është një proces që gabimisht mendohet të nisë me shfaqjen e rrudhave dhe humbjen e elasticitetit të lëkurës. Megjithatë, trupi nis të lëshojë sinjalet tregues të plakjes shumë më herët se vijëzimet e lëkurës, transmeton lajmi.net.

Reagimet fizike dhe mendore ngadalësohen me moshën.

Një nga shenjat më ilustruese të plakjes së parakohshme është shërimi i plagëve, të çarave dhe mavijosjeve. Lëkura e njeriut ka aftësi të mrekullueshme rigjeneruese. Por me plakjen ky proces ngadalësohet dhe nuk funksionon siç duhet.

Në moshën 20 vjeçare, njeriu ka aftësinë të mbajë pesha të rënda pa problem. Por me kalimin e viteve, masa muskulore tkurret, gjë që ndikon jo vetëm tek forca e njeriut por edhe qëndresa.

Me kalimin e moshës, shikimi bëhet problematik, njerëzit mbi 40 vjeç humbasin aftësinë e përqendrimit nga afër dhe duhet të mbajnë syze për të lexuar.

Shtimi në peshë sidomos në pjesën e barkut është një nga shenjat më të qarta të plakjes. Për fat të mirë, ky problem mund të zgjidhet falë ushqyerjes së shëndetshme dhe aktivitetit fizik, transmeton lajmi.net.

Shpejtësia në ecje është një tregues shumë objektiv i punës së muskujve të këmbëve dhe shpejtësisë së transmetimit të impulseve nervore. Këto janë edhe faktorët kryesorë të plakjes të cilat mund të frenohen duke kryer aktivitet të rregullt fizik.

Kur njeriu arrin në moshën 80 vjeç e ka të pamundur të ruajë ekuilibrin e të qëndrojë në një këmbë me sytë mbyllur. Ky qëndrim mund të bëhet pa problem në moshën 30 vjeçare për të paktën 20 sekonda.

Plakja shkakton një humbje të formës së ballit ndërkohë që forma e fytyrës e bën njeriun të ngjajë më i moshuar. Balli ngjan më i sheshtë me kalimin e viteve duke treguar moshën e vërtetë. Këtë nuk e fsheh dot asnjë injektim estetik.

Buzët humbin ngjyrën e tyre natyrale me kalimin e viteve. Por zona poshtë hundës dhe sipër buzës bëhet më e sheshtë. Në rini, ajo është goxha më e ngritur duke përbërë një veçori të dallueshme të fytyrës.

Me kalimin e viteve, njeriu humbet entuziazmin për gjërat të cilat më parë e bënin të lumtur.

Të njëjtat simptoma janë të ngjashme me depresionin. Për të dalë nga kjo gjendje, mos shpikni justifikime të kota për të dalë me miqtë, shkuar në kinema apo shijuar jetën.

commentFirst article
Sot mund të lexoni Shfletoni kopertinat