Gjatë viteve u kam mësuar fëmijëve për një koncept të thjeshtë, por të fuqishëm, filozofinë e milingonave. Mendoj se të gjithë duhet t`i studiojnë.
Milingonat kanë një filozofi të mahnitshme me katër pjesë, dhe këtu është pjesa e parë: milingonat nuk dorëzohen kurrë. Kjo është një filozofi e mirë. Nëse ato janë drejtuar diku dhe ju përpiqeni t’i ndaloni; milingonat do të kërkojnë një mënyrë tjetër.
Ato do të ngjiten sipër, do të shkojnë poshtë dhe do të vijnë përreth. Milingonat do vazhdojnë të kërkojnë për një mënyrë tjetër. Çfarë filozofie e mrekullueshme, të mos heqësh kurrë dorë nga kërkimi i një mënyre për të arritur atje ku duhet të shkosh.
Së dyti, milingonat mendojnë për dimrin gjatë gjithë verës. Kjo është një perspektivë e rëndësishme. Nuk mund të jesh aq naiv sa të mendosh se vera do të zgjasë përgjithmonë. Kështu që ato mbledhin ushqimin e tyre dimëror në mes të verës.
Një histori e lashtë thotë: “Mos e ndërto shtëpinë tënde mbi rërë gjatë verës”. Pse na duhet ajo këshillë? Sepse është e rëndësishme të jesh realist. Në verë, ju keni për të menduar për stuhinë. Duhet të mendoni për shkëmbinj ndërsa kënaqeni me rërën dhe diellin. Mendo përpara kohe.
Pjesa e tretë e filozofisë së milingonave është se ato mendojnë verën gjatë gjithë dimrit. Kjo është kaq e rëndësishme. Gjatë dimrit, milingonat i kujtojnë vetes, “Kjo nuk do të zgjasë shumë; së shpejti do të jemi jashtë nga këtu”. Dhe ditën e parë të ngrohtë, milingonat dalin. Nëse bëhet ftohtë përsëri, ata do të ikin prap, por më pas do të dalin ditën e parë të ngrohtë. Ata mezi presin të dalin.
Dhe kjo është pjesa e fundit e filozofisë së milingonave. Sa do të mbledhë një milingonë gjatë verës për t’u përgatitur për dimrin? Gjithçka që ajo mundet. Çfarë filozofie e pabesueshme, filozofia “të gjithë, atë që mundeni”.
