Një nënë është ajo që…

Life style

Një nënë është ajo që…

Më: 15 dhjetor 2020 Në ora: 16:01
Ilustrim

Një nënë është ajo që:

“Eja në drekë se të kam marrë bukë të mirë”. Jo bukë të freskët, dhe as bukë të nxehtë. Jo. Bukë të mirë.

Një nënë është ajo që:

– Dashuri, mbaji këto. Merri paratë që më huazove dje.

– Por ishte njëzet euro mami, këto janë pesëdhjetë.

– Nuk ka rëndësi. Merri sepse do të duhen! Dhe ndërkohë t’i shtyn  poshtë në xhepin tënd.

Një nënë është ajo që:

“Atëherë? Më thuaj diçka!” Dhe ndërsa ju i tregoni pak a shumë, ajo ju sheh në sy sikur të shikonte pafundësinë. E ndërsa jeni akoma duke folur, ju ndërpret dhe ju thotë: si je i dashur? A je mirë?

Një nënë është ajo që:

– Dashuri, e ndjen sa të ëmbla janë këto domate qershi!

– Mami tani nuk e kam mendjen … Shumë vonë. Me gisht ka arritur në fund të trakesë.

Një nënë është ajo që:

– Si je zemër?

– Eh mami. Pak i ftohur.

– A je freskuar?

– Por nuk e di o ma. Mbase pak të ftohtë.

– Mbulohu mirë se gjithmonë del me “veshkat” zbuluar. Dhe ndërsa ju këshillon, të shtyn këmishën poshtë në pantallona.

Një nënë është ajo që:

Ti mund të bësh 180 kurse gatimi. Të përdorni vetëm produkte organike. Të marrësh tre yje Michelin. Por domatet e saj me oriz do të jenë gjithmonë njëmijë herë më të mira se tuajat. Dhe sido që të skojë deri në fund ajo do t’ju thotë: “Epo. Herën e fundit më dolën më të mira”.

Një nënë është ajo që:

“Dje pashë një film të bukur”.

“Si ishte titulli mami?”

“Eh, nuk e mbaj mend!”

“E mirë, por për çfarë bëhej fjalë?”

“Nuk mbaj mend asgjë. Por ishte vërtet i bukur.”

Një nënë është ajo që:

– Mos u vono shumë për të fjetur, se nesër fle deri në mesditë!

– Në fakt jam tashmë në shtrat mami. (ndryshim i menjëhershëm i tonit që bëhet i qetë, i ngrohtë, i lumtur. Sikur sapo kishin komunikuar një lajm të mrekullueshëm)

– Ja, kështu. Mbulohu mirë!”

Një nënë është ajo që:

“Dashuri, te lajmet thanë se vjedhin numrat e kartave të kreditit.”

“Po nga kush o ma?”

“Nuk e kuptova, por ti ji i kujdesshëm”.

Një nënë është ajo që:

“Dashuri ec ngadalë!”

“Mami po iki me tren”

“Mirë, po ec ngadalë gjithsesi!”

Një nënë është ajo që:

Ajo 50, ti 20.

– Zemër, do të më shoqërosh për të bërë pazar?

– Aman o ma! Heren tjeter. Të betohem!

Ajo është 70 vjeç, ju jeni 40.

– Mami, shkojmë për pazar, të të shoqëroj?

– Kam një dhimbje të madhe në kockash. Shko ti. Merr pak mish dhe perime. Ti jap pastaj lekët.

Një nënë është ajo që:

– Natën e mirë dashuri!

– Natën e mirë ma!

Dhe ti fle, ndërsa ajo, vetëm pak.

commentFirst article
Sot mund të lexoni Shfletoni kopertinat