Një shprehje e urtë popullore thotë ‘’Burrë e grua, mish e thua’’, por kur në lidhje hyn një e tretë, – qetësohuni po flasim për një tjetër lloj të trete në një marrëdhënie, – ujërat trazohen paksa.
Po flasim për shoqen e ngushtë, ose shoqet e ngushta, me të cilat keni krijuar grup në Facebook, WhatsApp ose Viber ku ankoheni për gjërat që nuk shkojnë mirë në jetë.
Disa gjëra që lidhen me dashurinë tuaj është mirë t’i mbani vetëm për vete e të mos i ndani me akënd, qoftë me atë ose ato.
Si për shembull :
Problemet seksuale në çift: Është mëse normale që në një moment të caktuar të jetës së tyre, çdo çift të ketë diçka që nuk shkon në jetën seksuale, por më mirë t’i zgjidhni me partnerin dhe jo t’i ngrini si tragjedi kombëtare në bisedat me shoqet në WhatsApp.
Sekretet e tij: Në qoftë se ai ju tregon një sekret është më mirë ta mbani gojën mbyllur. Fakti që ai e ka ndarë këtë gjë me ju do të thotë se ju respekton, ka besim dhe ju ka vendosur në piedestal, mbi të tjerët. Në të kundërt do ua kishte thënë vetë i pari të tjerëve.
Fantazitë e tij seksuale: Mos bëni sikur ju turpëron kjo gjë apo sikur ju nuk i çoni ndërmend fantazitë përtej të zakonshmes. Mund të flisni me shoqet për tuajat, por jo për fantazitë e tij.
