Përpara vitrinave me lodra fëmijët duket se zgjedhin ato më të bukurat, me ngjyra të ndezura, të mëdhatë, lodra që nuk zhvillojnë aftësitë motorike apo kreativitetin e tyre.
Është detyrë e prindit të zgjedhë lodrat më të përshtatshme për fëmijët, në mënyrë që këta të fundit të mësojnë duke luajtur e jo vetëm të argëtohen.
Por edhe nëse vogëlushët tuaj nuk përfitojnë shumë nga lodrat, të paktën duhet të siguroheni që këto të fundit nuk i dëmtojnë. Sipas FDA (Administrata amerikane për Ushqim dhe Barna), lodrat me laser duhet të ndalohet rreptësisht dhe mos t’u shiten fëmijëve. Pasi laserët paraqesin rrezik serioz për shëndetin e syrit.
“Një rreze e lëshuar drejtë në syrin e personit mund ta lëndojë atë menjëherë, veçanërisht nëse laseri është i fuqishëm”, pohon Dan Hewett, zyrtar në FDA.
Lëndimet e laserit zakonisht nuk shkaktojnë dhimbje, por shikimi mund të dobësohet me kalimin e kohës shkruan kidstime. Këto lëndime mund të kalojnë pa u vërejtur për disa ditë dhe disa javë, dhe mund të jenë të përhershme.
Shembuj të lodrave me laser janë:
• Laserët e inkorporuar në armët-lodra të cilat përdoren për të shënjestruar
• Laserët në kapela të cilët nxjerrin rreze laserike derisa vëzhgojnë.
• Laserët që mbahen në duar e që përdoren gjatë lojës si shpata drite
• Laserët që përdoren për argëtim të cilat krijojnë efekte optike në një dhomë të hapur.
Kjo vërejtje e specifikuar për lodrat vjen pasi janë fëmijët ata që më së shpeshti lëndohen nga këto produkte. Viteve të fundit fuqia e laserëve të përfshirë në lodra është rritur, derisa çmimet e lodrave kanë rënë shkruan kidstime.
FDA jep këto këshilla për mbrojtje të fëmijëve nga pasojat e laserëve:
• Kurrë mos e shënjestroni ose drejtoni laserin drejtpërdrejt në ndonjë person ose kafshë. Energjia e dritës nga laseri që shënjestron syrin mund të jetë e rrezikshme, mbase edhe më e rrezikshme se sa shikimi i drejtpërdrejtë i diellit.
• Mos e drejtoni laserin në ndonjë sipërfaqe rrezatuese.
• Mbani mend se efekti i përnjëhershëm i rrezeve të drejtuara në sy mund të shkaktojë aksidente serioze kur drejtohet në një vozitës të veturës ose mund të çojë në lëndime në mesin e njerëzve që bëjnë aktivitete të tjera, si për shembull ata që luajnë sporte.
• Shikoni etiketat dhe lexoni udhëzimet dhe paralajmërimet në to. Kërkoni shenjën 21 CFP
