Kur emocionet mposhtin kilometrat: Gjashtë mënyra për festimin e Ditës së të dashuruarve, nëse nuk jeni afër personit të dashur

Life style

Kur emocionet mposhtin kilometrat: Gjashtë mënyra për festimin e Ditës së të dashuruarve, nëse nuk jeni afër personit të dashur

Më: 7 shkurt 2021 Në ora: 21:29
Foto ilustrim

Dita e të dashuruarve është festë e bukur, të cilën çiftet e dashuruara me padurim e presin

Mirëpo, nëse jetoni në pjesë të ndryshme të vendit apo të botës, mbase kjo festë për ju nuk është edhe aq romantike. Por, kjo nuk është arsyeja që të mos e festoni! 

Qe disa mënyra si ta shënoni Ditën e dashurisë edhe kur nuk jeni afër:

1. Festoni festën në ndonjë ditë tjetër

Nëse nuk mund të takoheni më 14 shkurt, mos u brengosni. Festën mund ta festoni në ndonjë ditë tjetër, kur ju përshtatet juve.

2. Bëjini një befasi një ditë para festës

Ai/Ajo mund të marrë një dhuratë (edhe simbolike) në 12 ose 13 shkurt. Një letër dashurie, një email i lezetshëm ose thjesht më shumë vëmendje se zakonisht për ta ndjerë që je aty.

3. Një paketë dhuratash

Kujdesuni vetë për gjithçka. Dërgoji një pako me ëmbëlsirat e tij të preferuara që i mungojnë, një pulovër me aromën tuaj, lule dhe sigurisht një pusullë të vogël. Gjithçka vjen pas kësaj do të jetë emocionuese.

4. Konsumoni një darkë përmes Zoom

Lini diku telefonin dhe kalojeni gjithë natën bashkë. Ndiqni procesin e gatimit të secilit, shtroni tryezën, mbushni gotat në të njëjtën kohë dhe uluni bashkë në tryezë. Ndoshta s’do t’ju shijojë aq shumë sa një darkë në restorant, por është një mënyrë e lezetshme kur jeni larg. Mundësisht porosisni të njëjtin ushqim.

5. Planifikoni një udhëtim

E kemi fjalën për udhëtimin e radhës, kur situata nga pandemia të jetë rregulluar. Flisni për çdo detaj dhe aktivitet që do të bëni atje. Shihni online hotelet, restorantet ku do të shkoni, muzeumet dhe çdo gjë tjetër.

6. Lëreni telefonin derisa t’ju zërë gjumi

Gjesti më romantik se çdo dhuratë e zakonshme Shën Valentini. Duke fjetur pranë njëri-tjetrit edhe pse në largësi, do të ndiheni shumë të afërt. 

Shfaq komentet
comments powered by Disqus
Sot mund të lexoni Shfletoni kopertinat