Çfarë ndodh nëse s’i ndërroni shpesh çarçafët

Life style

Çfarë ndodh nëse s’i ndërroni shpesh çarçafët

Më: 16 mars 2021 Në ora: 21:32
Foto ilustrim

Ne kalojmë rreth një të tretën e jetës duke fjetur. Ndërsa flemë, materialet e mbetura, të tilla si vaji, qelizat e lëkurës dhe papastërtitë, mund të lihen në çarçafët tanë, duke u akumuluar me kalimin e kohës. Kjo mund të sjellë disa probleme si më poshtë: Akne dhe lëkurë e irrituar Nëse papritmas vëreni fytyrë […]

Ne kalojmë rreth një të tretën e jetës duke fjetur. Ndërsa flemë, materialet e mbetura, të tilla si vaji, qelizat e lëkurës dhe papastërtitë, mund të lihen në çarçafët tanë, duke u akumuluar me kalimin e kohës.

Kjo mund të sjellë disa probleme si më poshtë:

Akne dhe lëkurë e irrituar

Nëse papritmas vëreni fytyrë të acaruar, një prej arsyeve mund të jetë jastëku. Përdorimi i përditshëm mund të shkaktojë që lëkura e vdekur, yndyra dhe bakteret të mblidhen bashkë për të bllokuar poret, duke shkaktuar puçrra. Në një rast tjetër lëkura mund të pësojë skuqje nga bakteret Demodex, të cilat janë të pranishme në çarçafë dhe jastëkë.

Nëse lëkura juaj duket “e palumtur”, provoni ta ndërroni çarçafin e jastëkut çdo 2-3 ditë dhe shihni ç’do ndodhë.

Alergji

A teshtini dhe ju kruhen sytë gjatë natës? Ju mund të vuani nga alergjitë! Shkaqet e alergjive mund të variojnë nga poleni dhe pluhuri deri tek bakteret që gjenden në çarçafët tuaj.

Ju kruhet skalpi

Mbulesat e ngrohta dhe të lagura të jastëkëve mund të jenë një “shtëpi e shkëlqyeshme” për kërpudhat e njohura si dermatofitet. Këto kërpudha shkaktojnë kruarje ose skuqje të skalpit të kokës.

Sa shpesh duhet t’i lani/ndërroni?

Sugjerohet që t’i ndërroni të paktën një herë në javë. Shfrytëzoni të dyja anët e jastëkut dhe nëse keni lëkurë delikate, ndërroni më shpesh çarçafin e jastëkut se ata të dyshekut.

commentFirst article
Sot mund të lexoni Shfletoni kopertinat