Arsyet që fshihen pas vështirësisë për të hequr shtresën dhjamore të barkut

Life style

Arsyet që fshihen pas vështirësisë për të hequr shtresën dhjamore të barkut

Më: 11 maj 2021 Në ora: 15:27
Foto ilustrim

Kur vjen puna tek ulja e shtresës dhjamore në bark nuk bëhet fjalë vetëm për të përmirësuar pamjen e jashtme, por mbi të gjitha, ajo mund të përmirësojë shëndetin tuaj. Në fakt, dhjami në këtë pjesë të trupit lidhet ngushtë me shfaqen e sëmundjeve kardiake, diabetit tip 2, rezistencës nga insulina dhe të disa lloje tumoresh. Pavarësisht kësaj, “të hequrit qafe” këto kilogramë të tepërta tek barku mund të jetë një sipërmarrje e vështirë.

Plakja: Me kalimin e viteve trupi modifikon metabolizmin e tij dhe bashkë me të edhe kaloritë e afta për t’u djegur normalisht. Tek femrat një tjetër faktor është menopauza.

Ushtrimet e gabuara fizike: Nëse mendoni se mund ta zhdukni barkun me një korse të shtrënguar e keni shumë gabim. Për të rritur sasinë e kalorive të djegura duhet forcuar muskulatura. Ndaj është më mirë nëse i drejtoheni peshave dhe ushqimeve që rrisin aktivitetin kardio-muskular.

Sport me intensitet të lartë: Sipas një studimi amerikan, për të djegur dhjamin e barkut (abdominal) është e nevojshme që të rrisni intensitetin e aktivitetit fizik.

Ushqimet e përpunuara: Dhjami në bark është i lidhur drejtpërdrejtë me mënyrën e të ushqyerit. Konsumi me tepricë i karbohidrateve të rafinuar si buka e bardhë, cracker dhe patatinat, apo sheqeri që merrni nëpërmjet ëmbëlsirave dhe pijeve të ëmbla, sjellin kilogramët e tepërta në bark.

Yndyrat e “gabuara”: Ekzistojnë ushqime që kanë yndyrë “të mirë” dhe “më pak të mirë”. Nëse po kërkoni që të hiqni sasinë e dhjamit në bark atëherë mishi i kuq për shembull duhet eliminuar. Konsumi i vajit të ullirit, apo i disa llojeve të tjera që kanë sasi të kontrolluar të yndyrave janë më të këshillueshme.

Stresi i tepërt: Ritmet e një jete të çrregullt, impenjimet në punë apo në familje mund ta bëjnë edhe më të vështirë për të ulur kilogramët e tepërta. Sidomos tek ata që situatat e stresit i përballojnë duke ngrënë.

Mungesa e gjumit: 30% e amerikanëve flenë më pak se 6 orë gjumë në ditë. Sipas studiuesve kjo është shumë pak, pasi tek të rriturit është e nevojshme të bëjnë 7-8 orë gjumë në natë.

Forma si “mollë”: Nëse keni një bark në formë “molle”, që ka tendencën të akumulojë kilogramët e tepërta rreth kërthizës, do të thotë se shëndoshja në këtë pjesë të trupit është diçka gjenetike. Fatkeqësisht në këtë rast, dobësimi në këtë pjesë të trupit është diçka shumë e vështirë, për të mos thënë e pamundur.

Vezoret dhe hormonet: Studime të ndryshme kanë nxjerrë në pah një lidhje mes nivelit të testosteroneve dhe disa sindromave si ajo e vezoreve polistike. Në këto raste mund të jetë shumë e vështirë rënia në peshë, ashtu sikurse ka një rrezik më të lartë të shfaqjes së diabetit.

Motivimi: Për të bërë të mundur heqjen e dhjamërave tek barku është e nevojshme që të ndiqet një dietë me përmbajtje të ulët kalorish, me ushqime të studiuara mirë. E gjitha kjo mund të rezultojë e vështirë për t’u ndjekur nëse nuk keni motivimin e duhur.

Shfaq komentet
comments powered by Disqus
Sot mund të lexoni Shfletoni kopertinat