Shumë prindër kanë një pyetje në mendje, që mundohen t’i japin shpjegim në mënyrën e tyre.
Sa kohë duhet të kalojë me fëmijën?
Për këtë pyetje përgjigja është një dhe e vetme. Sa të doni!
Por mos harroni të bëni dallimin mes asaj që ka vërtetë nevojë fëmija dhe rregullave të shoqërisë që ju bëjnë shpesh të shkoni drejt ‘prindërimit intensiv’, siç e quajnë psikologët.
Prindërit bëhen pjesë e kësaj kategorie kur i kushtojnë fëmijëve aq shumë kohë nga dita, sa harrojnë veten, punën dhe padashje fillojnë të ndikojnë negativisht në mënyrën si fëmija rritet, duke mos i lënë liri të jetë vetja.
Këshilla e psikologëve është vetëm një: Gjeni balancën mes jetës suaj dhe të fëmijës.
