Ndjeshmëria është shenjë e evolucionit. Sa më shumë rritet ndjeshmëria tek njeriu, aq më shumë ai merr një jetë të bollshme dhe intensive. Kur ndjeshmëria zvogëlohet, njeriu kthehet në gjendjen e kafshëve, bimëve dhe gurëve. Ju do të thoni se sa më i ndjeshëm të bëhesh, aq më shumë ekspozohesh ndaj vuajtjeve? Është e vërtetë, por dhe e preferueshme të rritet ndjeshmëria e dikujt, edhe nëse duhet të vuajë, pasi kjo rrit intensitetin e jetës.
Ndërsa për atë që posedon një ndjeshmëri të tillë, të bëjë kujdes që të mos e humbasë atë, duke mos ditur të ruajë masën e duhur.
Në fakt, janë teprimet ato që e zbutin ndjeshmërinë. Nëse lexoni shumë, për shembull, truri juaj ngopet dhe ju humbisni shijen për të menduar. Për të kuptuar thelbësoren, nuk është e nevojshme të grumbullohen shumë ide në mendje.
Edhe në fushën e miqësisë dhe të dashurisë, është e nevojshme të monitoroni dhe mbani distanca të caktuara. Ata që hidhen kokëfortë në gjallërinë e dashurisë përfundojnë të bezdisur dhe nuk ndiejnë më asgjë. Ndjeshmëria zhvillohet tek ata që dinë të ulin sasinë dhe të rrisin cilësinë.
