Pesë sjellje që shpien në ndarjen e çiftit

Life style

Pesë sjellje që shpien në ndarjen e çiftit

Më: 30 gusht 2021 Në ora: 13:17
Foto ilustrim

75% e njerëzve përjetojnë ndarje të shumta gjatë jetës së tyre. Të kalosh një ndarje nuk është padyshim një nga përvojat më të këndshme që kemi, kështu që të kesh sa më pak prej tyre do të ishte mirë. Ndonëse ndoënjherë arsyet që ne ndahemi janë objektive, ka ende gjëra që mund të kapërcehen që gjërat të shkojnë më mirë.
“Bright Side” bëri disa hulumtime dhe zbuloi disa gabime tipike që prishin marrëdhëniet tona romantike.

1. Të mos jetosh në momentin së bashku

Kalimi i kohës cilësore së bashku është shumë e rëndësishme për një marrëdhënie. Çiftet që e bëjnë këtë janë më të kënaqur në marrëdhëniet e tyre. Kjo sepse ata ndajnë përvoja që i afrojnë më shumë. Mungesa e komunikimit është një nga arsyet më të shpeshta për një ndarje. Mundohuni të bëni gjëra që ju bëjnë të ndërveproni, si duke luajtur lojëra ose duke shëtitur së bashku.

2. Vazhdoni të vlerësoni partnerin tuaj

Vazhdoni t’i admironi për bukurinë, sensin e humorit ose mirësinë e tyre. Mos harroni ta vlerësoni vazhdimisht dhe vazhdoni të tregoni dashuri në maksimum.

3. Shmangia e të qenit të prekshëm

Ndjeshmëria është ajo që bën të mundur lidhjen tuaj me të tjerët. Kur e shmangni atë, mund ta keni të vështirë të jeni të hapur dhe t’i besoni të tjerëve, gjë që është shumë e rëndësishme në marrëdhëniet intime. Nëse nuk i lini njerëzit të afrohen aq sa t’iu njohin më mirë, mbeteni shumë të huaj dhe nuk arrini të keni një dashuri të thellë.

4. Mosrespektimi i kufijve

Mund të ndodhë në një marrëdhënie që në vend të 2 personave, të shfaqet një “ne”. Bëhet e vështirë të bësh dallimin midis teje dhe partnerit. Mundohuni të mos ndërhyni dhe të respektoni kufijtë e partnerit tuaj. Gjithashtu, mos u ofendoni nëse nevojat e tyre nuk përputhen me tuajat. Edhe pse jeni afër, ju jeni akoma 2 persona të ndryshëm me grupe të ndara të nevojave.

5. Të kesh vetëvlerësim të ulët

Vlerësimi i ulët për veten është një kërcënim i madh për një marrëdhënie. Njerëzit që kanë vetëvlerësim të ulët shpesh kanë frikë nga refuzimi dhe bëjnë gjithçka që munden për të mbrojtur veten. Ata nuk besojnë se janë mjaft të mirë për partnerin e tyre dhe nuk besojnë se partneri mund t’i dojë vërtet.

Sot mund të lexoni Shfletoni kopertinat