Pas një dite të gjatë dhe stresuese, në mbrëmje të gjithë duan të çlodhen e qetësohen për disa minuta në një dush relaksues.
Por ka diçka që e bën gjithmonë sa herë që bën dush dhe që nuk është e mirë për lëkurën, por as për shëndetin: kthimi i rubinetit nga ngjyra e kuqe dhe derdhja e ujit të nxehtë.
Një banjë e mbushur me avull të ngrohtë mund të jetë natyrisht mjaft qetësuese, sidomos kur temperaturat jashtë janë të ulëta. Por është shumë e rëndësishme për të nxjerrë ujin e vakët nga rubineti, sidomos kur do të lash edhe fytyrën në dush.
Uji i nxehtë, siç mund ta dish, rrit qarkullimin e gjakut në lëkurën e fytyrës dhe e than jashtëzakonisht atë. Ky nivel kritik i lagështirës është shkak edhe i skuqjes së fytyrës pasi del nga dushi. Dhe, edhe pse nuk ka asnjë provë shkencore që uji i ngrohtë ose i ftohtë pastron lëkurën më mirë se sa uji i nxehtë, dermatologia Dr. Fayne Frey thotë se rreziku i përdorimit të ujit të nxehtë është më i madh.
“Me siguri, asnjë nuk do që ta djegë lëkurën”,- thotë Frey, duke shtuar se është e vërtetë që uji i nxehtë vret bakteret, por ka një limit temperature edhe për këtë. Uji ka një temperaturë që mund të konsiderohet e mjaftueshme për të vrarë bakteret. Studimet mbi larjen e duarve, duke krahasuar ujin e ngrohtë apo të ftohtë, kanë theksuar se larja me ujë të ftohtë (40 gradë F, 4.4 gradë celsius) është efektive për të vrarë bakteret.
Për të minimizuar efektet që uji i nxehtë lë në tharjen e lëkurës, mbaje dushin me ujë të vakët ose të ftohtë aq sa mund ta tolerosh (për flokët kjo është zgjidhja ideale e shkëlqimit) dhe, mbi të gjitha, jo më shumë se 10 minuta në dush për të shmangur lëkurën e thatë dhe skuqjen. Nëse del nga dushi me lëkurë të kuqe, është një shenjë që duhet ta bësh ujin më të ftohtë.
