Në çdo çift ka momente të mira dhe të këqija. Sidoqoftë, disa çifte bllokohen dhe nuk ecin përpara, ndërsa të tjerët mbeten të dashur në momentet e mira dhe të këqija. Arsyeja pse fillon një lidhje është të jeni “së bashku” me dikë, për të ndarë mendimet, momentet, kujtimet. Kur ndiheni vetëm në një lidhje, do të thotë që nuk e gjeni atë që kërkoni. Mund të nënkuptojë që partneri juaj nuk është mbështetës ose emocionalisht i disponueshëm.
Mungesa e komunikimit është një nga arsyet më të rëndësishme që marrëdhëniet janë tronditur. Çiftet duhet të mësojnë të dëgjojnë njëri-tjetrin, të tregojnë mirëkuptim edhe nëse nuk pajtohen. Kuptoni gjithashtu se në komunikim ndershmëria është e nevojshme për të ruajtur cilësinë dhe ekuilibrin në marrëdhënie. Pranimi i opinioneve që janë të ndryshme nga tuajat do të thotë respekt.
Edhe nëse nuk jeni dakord, ai është ende një këndvështrim i vlefshëm dhe meriton vëmendjen tuaj. Duke refuzuar këndvështrimin tjetër, ju po refuzoni personin tjetër.
Është shumë e rëndësishme në një marrëdhënie të jemi në gjendje të mbajmë elementin tonë personal, por edhe të bëhemi një ekip. Kur çifti nuk ndan emocione, fitore dhe dështime, atëherë krijohet një boshllëk i madh që është vështirë të plotësohet nëse nuk bëhet përpjekje reciproke. Kur respekti reciprok ushtrohet, kur të dy japim më të mirën tonë çdo ditë, kur pranohen gabimet dhe bëhen falje të sinqerta, kur ndahen gëzimet dhe hidhërimet, kur duam prosperitetin dhe zhvillimin e vazhdueshëm të të dashurit tonë, kur jemi mbështetës në ndonjë dështim ose në një vështirësi, kur respektohen pikëpamjet dhe hapësira personale për të cilën të gjithë kanë nevojë si individ, kur synimet ndahen atëherë dashuria e çiftit lulëzon.
Le të kuptojmë se asnjë martesë nuk merret si e mirëqënë, cilësia e saj fitohet çdo ditë.
