Dashi
E premtja është dita ideale për t’ju përkushtuar familjes. Përfitoni për të vizituar prindërit, gjyshërit dhe të merrni mendimin e tyre sepse mund t’ju vlejë. Me shpenzimet do jeni tej mase të kujdesshëm e të matur kështu që gjendja nuk do të ketë asnjë lloj tronditjeje. Edhe me shëndetin nuk do përjetoni asnjë lloj shqetësimi.
Demi
Situatat do të jenë në favorin tuaj deri në mbrëmje gjatë kësaj të premte. Shumë keqkuptime apo dyshime nuk do t’ju ndalojnë të shijoni momentet e rëndësishme. Ndjenjat e dikurshme mund të rikthehen nesër tek ju. Ditë pasionante për të gjithë ata që janë në një lidhje. Financat do jenë të mira.
Binjakët
Paraditja dhe mbrëmja do të jenë momentet e duhura për të zgjidhur probleme personale, çështje familjare apo financiare. Gjatë kësaj të premte ju do të bëni ndryshime në këto sfera të jetës. Kjo është një mundësi e mirë për të bërë eksperimente. Financat do i menaxhoni me shumë kujdes dhe situata do vijë duke u normalizuar.
Gaforrja
Ngjarjet e rëndësishme planifikojini për në mëngjes. Më pas mund të mos keni frymëzimin e duhur dhe mund të hiqni dorë nga gjëra që vërtet ia vlejnë. Çiftet kanë për të pasur një ditë të bukur dhe të mbushur me momente të lumtura. Do bashkëpunoni gjatë gjithë kohës me partnerin/en.
Luani
Gjatë kësaj dite parashikohet se do të diskutoni për disa çështje që i mbani mjaft sekret. Mundohuni të gjeni pak kohë për veten, për t’u relaksuar. Në këtë mënyrë përmirësoni dhe më shumë shëndetin tuaj. Në planin financiar do ndiqni strategji strikte dhe nuk do ju dalin aspak probleme. Gjendja do jetë më e ekuilibruar.
Virgjëresha
Suksesi juaj do të varet nga disiplina dhe ndërthurja që do të bëni mes intuitës dhe punës së vazhdueshme. Lejojini vetes ato gjëra që i lejoni tek personat që ju rrethojnë. Beqarët mund të fillojnë lidhje të qeta e të ekuilibruara. Tregohuni pak më të kujdesshëm me shëndetin gjatë kësaj dite, do keni disa shqetësime të vogla.
Peshorja
Duhet të përpiqeni të gjeni një balancë mes betejave të vjetra dhe atyre të reja. Për shembull do të ishte mirë të përmirësoni marrëdhëniet me njerëzit përreth, duke u bërë më të këndshëm e të dëshirueshëm. Nëse buxhetin e menaxhoni me kujdes dhe maturi gjendja do ketë përmirësime.
Akrepi
Në mëngjes dhe pasdite të gjitha keqkuptimet tuaja me partnerin/en apo edhe me kolegët në punë do të zgjidhen në mënyrë paqësore. Me shumë mundësi ju do të pranoni të jeni të dashur, të argëtoheni, në vend që të tregoni karakter luftarak. Financat do jenë të mira dhe do iu lejohet të bëni edhe investime. Shëndeti pak delikat.
Shigjetari
Problemet tuaja gjatë kësaj dite, mund të vijnë nga nuk i prisni. Ndërsa shumë çështje që ju shqetësojnë, duket se do të zgjidhen pa shumë angazhim nga ana juaj. Nëse jeni në një lidhje bëni gjithmonë atë që do ndieni dhe mos dëgjoni çfarë do thotë bota. Financat mund të kenë disa përmirësime të vogla.
Bricjapi
Një kompromis me partnerin/en do të jetë i pashmangshëm ditën e sotme. Do t’ju duhet të bini dakord me disa gjëra, që ndoshta nuk ju pëlqejnë shumë. Beqarëve do iu jepen mundësi për takime të jashtëzakonshme. Buxheti më në fund do fillojë të normalizohet. Shëndeti do jetë i mirë, nuk keni pse shqetësoheni.
Ujori
Vetëkontrolli duhet të jetë në nivele shumë të larta gjatë kësaj të premte. Marrja e masave parandaluese për shumë probleme, do t’ju sjellë dobi praktike dhe qetësi mendore. Sot do ndryshojnë shumë gjëra në jetën tuaj në çift. Do merrni vendime përfundimtare dhe do ju ndryshojë edhe pikëpamja për disa gjëra.
Peshqit
Mëngjesi dhe pasditja do të jenë pjesa më harmonike e ditës. Pavarësisht kundërshtive që do të hasni, ju do të jeni në gjendje të keni kontroll të plotë mbi veten. Nesër mund të përjetoni edhe shumë ndjesi të pazakonta, që do t’ju mbeten gjatë në zemër. Në planin financiar mundohuni të mos kryeni shpenzime të pa matura.
