Njerëzit që kanë një nivel inteligjence të lartë janë më shumë të kënaqur nëse kanë të bëjnë me më pak miqësi apo takime. Në këtë përfundim ka arritur një studim i “London School of Economics” dhe “Managment University Singapor”, ku më shumë se 15 mijë të rinj të moshës 18 deri në 28 vjeç plotësuar një pyetësor e më pas u pa dhe koeficienti i inteligjencës.
Sipas kërkuesve kjo ndodh sepse njerëzit inteligjentë mund të jenë autonomë në zgjidhjen e problemeve të tyre praktike dhe kësisoj kanë më pak nevojë të mbështeten tek të tjerët. Po ashtu ata fokusohen te qëllimet e tyre dhe për këtë arsye kanë më pak kohë për të qëndruar në marrëdhënie shoqërore.
