Një studim i ri ka zbuluar se seksi mund ta përmirësojë performancën e njerëzve në teste të memories afatshkurtër.
Ky studim i konfirmon studimet e mëhershme të cilat kishin sugjeruar se seksi mund ta përmirësojë funksionin kognitiv përmes shumë mënyrave.
Memoria e njerëzve është e papërsosur. Truri jon mund të krijojë kujtime të rrejshme, dhe sa më shumë që plakemi aq më vështirë e kemi t’i mbajmë gjërat në mend.
Normalisht neve nuk na duket kjo ndonjë gjë e madhe derisa shndërrohet në diçka serioze – p.sh. zhvillojmë sëmundje truri si Alzheimeri.
Duke marrë parasysh se memoria është një prej pjesëve më të rëndësishme të trupit të njeriut, shkencëtarët vazhdimisht bëjnë hulumtime për përmirësimin e saj.
Sipas hulumtimeve të reja, rezulton se seksi mund të jetë një nga mënyrat se si mund ta ngadalësoni procesin e humbjes së memories.
Rezultatet kanë treguar se aq më i shpeshtë që është aktiviteti seksual, duke përfshirë puthjet dhe afërsinë emocionale, aq më e mirë është memoria.
Përndryshe ky studim është publikuar në revistën ‘Archives of Sexual Behavior’.
