Vendimi për të kaluar jetën me dikë nuk është edhe i lehtë, për të mos thënë më i rëndësishmi në jetë.
Shumë nga çiftet mendojnë se gjërat rregullohen pas lidhjes së zyrtarizuar, por kjo është e gabueshme.
Andaj, më poshtë mund t’i shihni disa pika për të cilat duhet të merreni vesh me partnerin tuaj para se ta bëni lidhjen tuaj publike.
E kaluara
Ndoshta do të ishte mirë që ta diskutoni të kaluarën tuaj, sepse në të kundërtën mund të u sjell probleme. Mos harroni, shumë njerëz janë në gjendje të falin gabimin tuaj se sa të jetojnë me gënjeshtra.
Karriera
Dikush nga ju mund të ketë punë me orar të caktuar por dikush jo, andaj flisni dhe mos e anashkaloni këtë pjesë, pasi shumë herë do t’ju duhet të punoni deri në orët e vona apo të udhëtoni shpesh për çështje të caktuara.
Financat
Bisedoni për para. Për dikë mund të jetë shumë e sikletshme por kjo ndihmon që të mos hasni në ndjenja pakënaqësie më vonë. Në disa raste ky është shkaku pse ndahet një çift.
Fëmijët
Mendojeni edhe këtë gjë. Sa fëmijë do të donit dhe si do të kujdeseshit për ta, si dhe çka nëse nuk do të mund të bënit fëmijë…
Thashethemet
Jo të gjithë kanë dëshirë të të shohin mirë, andaj përgatituni për t’i mbyllur veshët. Injoroni ata dhe mos i lejoni të ndikojnë në jetën tuaj.
Zënkat
Çdo çift nganjëherë ka mosmarrëveshje ndërmjet vete, gjë që konsiderohet normale. Por mendojeni pjesën se si do t’ia dilnit kur shpërthejnë emocionet, sepse jo gjithmonë jeni vetëm në shtëpi.