Deri te marrja e pagës ka edhe disa ditë dhe portofoli juaj serish është bosh? Ndoshta ju hyni në një nga këto tri kurthe që normalisht nuk mund të mbijetoni "nga i pari në të parin".
Të ardhurat nuk janë aq të mëdha dhe sigurisht që mund të jenë më të mëdha - dhe sigurisht do të ishte më e lehtë. Megjithatë, situata është siç është - dhe keni nevojë për adaptim.
Ne nuk mund të shpenzojmë diçka që nuk kemi, por ne duhet të "shtrijmë" disi pagën mujore për tërë muajin. Nëse pyesni se si ta bëni këtë, shikoni këto tri gabime të zakonshme në buxhetin e shtëpisë - të cilat ju hedhin në mënyrë të pavetëdijshme në minus dhe lehtësisht mund t’i shmangni ato ...
Nuk llogaritni faturat Shumë fatura ose paralajmërime në fund të muajit janë surprizë e pakëndshme për ju? Arsyeja: Ju mund të keni blerë diçka në rata ose keni porositur në internet, dhe tani duhet t’i paguani.
Këshilla jonë: Shmangni blerjen përmes llogarisë rrjedhëse. Ose mund të përballosh diçka për momentin - ose thjesht nuk mundesh. Nëse vendosni të blini, përdorni të holla - atëherë nuk do të habiteni nga surpriza e pakëndshme dhe një minus i papritur në llogarinë tuaj.
Ju nuk keni shpenzime të rregullta nën kontroll
Fatura e sigurimit të makinës, telefonit celular, energjia elektrike, uji, bileta mujore - ju të gjitha këto duhet t’i paguani rregullisht. Ne jemi të vetëdijshëm se në fillim të muajit duhet të rezervojmë një shumë të caktuar parash për shpenzimet e rregullta - dhe prapë befasohemi kur kemi ardhur në "një llogari të papritur."
Këshilla jonë: Merrni gjysmë ore dhe kontrolloni faturat mujore bankare gjatë disa muajve të fundit. Pastaj ju bëni një listë të saktë të të gjitha shpenzimeve në vazhdim dhe ditëve kur ju duhet të paguani ato. Kështu që lehtë mund të llogaritni sa dhe kur duhet të paguani diçka - dhe bëni një rezervë për këtë.
Shpenzoni për gjëra të panevojshme
A keni hedhur një grumbull ushqimesh "të vjetra" jashtë frigoriferit për fundjavë? Apo keni pasur ndonjëherë tri pije pas punës dhe dy kafe më shumë gjatë orarit? Shpesh, në mënyrë magjike paratë nga zhduken nga portofoli - dhe nuk mendojmë se vetë ne jemi përgjegjës për shpenzime.
Këshilla jonë:
Kur blini ushqime për tërë javën, me të vërtetë na ndihmon lista e tyre. Kafeja dhe pijet në kafene nuk duhet të jetë një zakon i përditshëm, por të paktën një herë në javë ose një herë në fundjavë.
