Kiracovski: Viti 2018 është vit i zhvillimit ekonomik

Maqedonia

Kiracovski: Viti 2018 është vit i zhvillimit ekonomik

Më: 23 dhjetor 2018 Në ora: 19:30
Sekretari i Përgjithshëm i LSDM-së, Aleksandar Kiracovski

Sekretari i Përgjithshëm i LSDM-së, Aleksandar Kiracovski, tha se prapa nesh është viti i lëvizjes ekonomike, më shumë para për qytetarët, përparimi në integrime, një drejtim i qartë i lëvizjes dhe zhvillimit të shoqërisë. Pas 11 vjet izolimi, pasigurie, varfëri dhe regres, Maqedonia sot e di se ku shkon, hapa drejt anëtarësimit në BE dhe NATO, si një partner i vërtetë i botës demokratike.

“Maqedonia mori ftesë për t’u bashkuar me NATO-n dhe së shpejti do të bëhet anëtarja e 30-të e Aleancës. Filloi procesi i skriningut me Bashkimin Evropian dhe në korrik të 2019 mund të fillojnë bisedimet për anëtarësim dhe hapja e kapitujve të parë. Ne i dhamë fund kontestit 25-vjeçar me Greqinë, e cila na ka dërguar në humnerë. Me marrëveshjen e Prespës, identiteti maqedonas, gjuha maqedonase dhe veçantia maqedonase u mbrojtën dhe u siguruan përgjithmonë”, tha ai.

Kiracovski për ekonominë e vendit tha se nëpërmjet rritjes ekonomike dhe realizimin e masave kyçe e kemi ngjallur ekonominë. Ai shtoi se 90.000 familje sot marrin paga më të larta dhe kanë standard më të mirë për jetesë.

Sipas tij viti 2018 është viti i investimeve të huaja rekorde, ndërsa dhe papunësi për këtë vit është zvogëluar në 20.8 për qind, ku për herë të parë në vend ka nën 200.000 persona të papunësuar.

Sot mund të lexoni Shfletoni kopertinat