Zv.kryeministri për Çështje Evropiane Bujar Osmani, para mbledhjes së sotme të Komitetit të Punës për Eurointegrime, tha se ekziston dorë e fshehur për ta rrënuar procesin e ndryshimeve kushtetuese.
Ai shtoi se nuk dëshiron që partitë politike shqiptare të perceptohen si “ajo dorë e fshehur”, për shkak të siç tha, naivitetit dhe mosgjindjes në procese të tilla politike.
“Nuk ka interes më të madh etnik për shqiptarët se sa anëtarësimi i Maqedonisë në NATO. Ky është interes i madh dhe esencial për shqiptarët, i cili është mbi të gjithë interesat tjera etnike për momentin, pasi kjo është garancë se shqiptarët do të jenë pjesë e familjes perëndimore evropiane”, tha Osmani.
Ai tha se për prishjen e procesit të ndryshimeve kushtetuese ka qenë i shqetësuar edhe Ali Ahmeti.
