Sekretari Organizativ i Bashkimit Demokratik për Integrim, Artan Grubi, ka takuar sot në Shkup shefin e zyrës së NATO-së në Shkup, Zoran Jankoviq, me të cilin diskutoi për situatën në Maqedoni me theks të veçantë mbi anëtarësimin e këtij vendi në NATO.
Me këtë rast, deputeti Grubi theksoi se Bashkimi Demokratik për Integrim përkrah në tërësi procesin e integrimit të Maqedonisë në NATO dhe në Bashkimin Evropian si kontribuues konkret në arritjen e Marrëveshjes së Prespës.
“NATO dhe BE është prioriteti absolut i BDI-së, shqiptarëve dhe të gjithë qytetarëve në Maqedoni, prandaj dhe askush nuk duhet ta konteston këtë proces.
Kontestimi ose rrezikimi eventual i këtij procesi nga partitë opozitare VMRO DPMNE, Besa dhe Aleanca në asnjë mënyrë nuk duhet të vë në pikëpyetje përfundimin e suksesshëm të procesit kaq të madh dhe të rëndësishëm, jo vetëm për Maqedoninë, por edhe për Evropën Juglindore, sepse përgjegjësi për këtë proces bartim të gjithë”, u shpreh ai.
