Fatmir Limaj, përshëndetë vendimin e Kuvendit të Maqedonisë për ndryshimin e emrit.
Limaj ka thëne se deputetët e Kuvendit të Maqedonisë Veriore, me votën e tyre pro marrëveshjes se Prespës për ndryshimin e emrit, zgjodhën rrugën e integrimeve evropiane.
“Miratimi i ndryshimeve kushtetuese konfirmon të ardhmen evropiane të shtetit tonë fqinj, Maqedonisë Veriore dhe i kontribuon paqes dhe stabilitetit në rajon. Përgëzoj deputetët e Kuvendit të Maqedonisë Veriore, veçanërisht deputetët shqiptarë, të cilët me votën e tyre ishin përcaktues në miratimin e ndryshimeve kushtetuese”, ka shkrua kryetari Limaj.
Ai thotë se me votimin e sotëm në Kuvendin e Maqedonisë Veriore, po mbyllet një nga temat e hapura në këtë pjesë të Ballkanit.
