Bashkimi Evropian po monitoron nga afër situatën në vend dhe marrëveshjen e Prespës, pra zbatimin e saj.
Këtë e tha zëdhënësja e Komisionit Evropian, Maja Kocijançiq, duke përsëritur se marrëveshja e Prespës është shprehje e guximit politik dhe lidershipit në zgjidhjen e një prej kontesteve më të vjetra në rajon.
Sipas Kocijançiq, kjo është një mundësi unike për të tejkaluar vështirësitë e së kaluarës dhe për të forcuar pajtimin në rajon dhe në Evropë.
“Ne po ndjekim procedurat kombëtare që duhet të bërë për zbatimin e marrëveshjes”, theksoi Kocijançiq duke komentuar mbi ratifikimin e marrëveshjes së Prespës në Greqi pas miratimit të ndryshimeve kushtetuese në Kuvendin e Maqedonisë.
