Ministri për Punë të Jashtme të Rusisë, Seregey Lavrov deklaroi se Rusia nuk është kundër emrit të ri të Maqedonisë, por në pyetje është legjitimiteti i procesit të ndryshimit të emrit të vendit.
“Ne nuk jemi kundër emrit. Shtrohet pyetja se sa është legjitim procesi dhe sa me të vërtetë është e kushtëzuar nga qëllimi i arritjes së konsensusit në mes Greqisë dhe Shkupit ose është i detyruar nga interesi i SHBA-ve që vendet e ballkanit sa më shpejtë ti përfitojë në NATO dhe të parandaloj çfarëdo ndikimi të Rusisë në këtë rajon”, tha Lavrov në konferencën vjetore me gazetarët, përcjell “Sputnik”.
Putin: Ekziston presion i jashtëm për anëtarësimin e Maqedonisë në NATO
Më herët për çështjen e emrit ka folur edhe presidenti Vladimir Putin i cili tha se ekziston presion i jashtëm për anëtarësimin e Maqedonisë në NATO.