Shqipëria sot i dorëzon pamjet për arratisjen e Gruevskit - Bota Sot
Shqipëria sot i dorëzon pamjet për arratisjen e Gruevskit

Maqedonia

Shqipëria sot i dorëzon pamjet për arratisjen e Gruevskit

Më: 25 janar 2019 Në ora: 09:17
Nikolla Gruevski

 

Autoritetet e Shkupit sot pritet ti marrin nga autoritetet e Shqipërisë materialet e regjistruara nga kamera të sigurisë lidhur me arratisjen e ish-kryeministrit Nikolla Gruevski.

Prokurori Publik Lubomir Joveski për TV21 tha se deri më tani kanë arritur të mbledhin disa të dhëna, por ende po i presin incizimet nga kamerat e sigurisë të pikë-kalimeve kufitare mes Maqedonisë dhe Shqipërisë.

“Unë pres që kjo pjesë e ndihmës juridike ndërkombëtare, përkatësisht dorëzimi i incizimeve do të bëhet sot ose nesër (24 dhe 25 janar), sepse dy personat tanë zyrtarë gjenden atje që t’i marrin këto materiale”, tha Lubomir Joveski.

Deri më tani për arratinë e Gruevskit janë dëgjuar rreth 20 dëshmitarë, ndërsa pritet që në pyetje të merren dhe 4 të tjerë. Pyetjes nëse ka indicie se ndonjë person zyrtar e ka ndihmuar ose jo Gruevskin gjatë arratisë, Joveski tha se në këtë fazë parahetimore është delikate për të folur për këtë. Derisa nuk mbaron hetimi, Prokuroria nuk do të japë detaje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...