Delegacioni i Bashkimit Evropian në Shkup dhe Organizat Ndërkombëtare për Migracion (IOM) sot Ministrisë së Punëve të Brendshme i ka dhuruar dy makina terrenale “Nissan Navara”, të pajisura me sistemin “track’n’go”.
Nga MPB thonë se me këtë donacion do të përforcohen kapacitetet e ekipeve për intervenim dhe do të përmirësohet sistemi telekomunikacionit në MPB.
“Makinat posedojnë pajisje speciale të cilat përdoren për lokacione të vështira dhe në kushte të këqija atmosferike. Ministri Oliver Spasovski në emër të ministrisë i ka falënderuar për donacionin delegacionin e BE-së dhe IOM-në”, thuhet në njoftimin e MPB-së.
