Presidenti i Këshillit Europian, Donald Tusk publikoi sot një mesazh ku përshëndet ratifikimin e Marrëveshjes së Prespës nga Parlamenti grek në profilin e tij në “TwitteR”.
“Ata kishin imagjinatë, ata morën rrezikun, ata ishin të gatshëm të sakrifikonin interesin e tyre për një të mirë më të madhe. Zoran, Aleksis, shumë mirë! Misioni i pamundur u përmbush”, shkruan Tusk në këtë mesazh përshëndetës për marrëveshjen ku përcaktohet që Republika e Maqedonisë do të quhet Republika e Maqedonisë së Veriut.