Nëpërmjet një njoftimi nga LSDM reagojnë ndaj konferencës për shtyp të VMRO-DPMNE-së duke thënë se “kryesia anti-perëndimore e VMRO-DPMNE-së, udhëhequr nga Hristijan Mickoski vazhdon të shpërndajë panik mes qytetarëve”.
“Koha kur ministria e Punëve të Brendshme, ishte shndërruar në degë partiake që shërbente për mbrojtjen e krimit dhe për presion ndaj qytetarëve, mbaroi me kalimin e VMRO-DPMNE-së në opozitë”, thuhet në njoftimin e LSDM-së.
Ata shtojnë se përmes reformave të ndërmarra, policia po punon profesionalisht dhe në mënyrë efikase duke siguruar sigurinë. Sipas LSDM-së, norma e krimit po bie, dhe po veprohet në secilën shkelje të ligjit.
“Po kthehet besimi te policia, ndërsa dëshmi për këtë janë hulumtimet e mendimit publik dhe përqindja e madhe e qytetarëve që ndihen të sigurt”, thuhet në njoftimin e partisë maqedonase në pushtet LSDM.
