Kryeministri i Maqedonisë, Zoran Zaev nesër do të vizitojë Bullgarinë, ku do të takohet me kryeministrin bullgar Bojko Borisov.
Dy kryeministrat, siç njofton zyra për informim e Qeverisë së Maqedonisë, do të diskutojnë për bashkëpunimin në sektorë të ndryshëm, projekte në fushën e infrastrukturës dhe transportit, si dhe për zbatimin e Marrëveshjes ndërshtetërore për miqësi, fqinjësi dhe bashkëpunim.
Në delegacion do të jenë edhe ministri i Kulturës Asaf Ademi dhe koordinatori kombëtar për kulturë, Robert Allagjozovski.