Një kandidat i ri hyn në garë për president të Maqedonisë. Është Amdi Bajram, kreu i Lidhjes së Romëve, i cili mbrëm mori mbështetje nga Komiteti Qendror i partisë.
“Në takimin e Komitetit Qendror të Lidhjes së Romëve u vendos që kandidat i vetëm për president të Maqedonisë nga partia të jetë lideri Amdi Bajram”, thuhet në njoftimin e Adnan Memedit, anëtar i Komitetit Qendror të Lidhjes së Romëve në Facebook.
Bajrami për momentin është deputet në Kuvendin e Maqedonisë. Ai njoftoi se ka pranuar emërimin nga organi më i lartë i partisë.