Ministri i Punëve të Jashtme Nikolla Dimitrov, sot në Washington ka realizuar takim me zv.ndihmësin e sekretarit amerikan për Evropë, Wess Mitchell.
Siç njoftojnë nga MPJ, Dimitrov dhe Mitchell kanë diskutuar për aktivitetet lidhur me zbatimin e Marrëveshjes së Prespës, si dhe aktivitetet rreth ratifikimit të protokollit për anëtarësimin e Maqedonisë në NATO.
“Wess Mitchell ka vlerësuar se nënshkrimi i Marrëveshjes së Prespës dhe hyrja e saj në fuqi, duke u pasuar me anëtarësimin e Maqedonisë në NATO, janë momente historike. Ai ka thënë se këto arritje do të kenë ndikim në stabilitetin dhe prosperitetin e gjithë rajonit”, thuhet në njoftimin e MPJ-së.
Ata shtojnë se ministri Dimitrov ka pasur takim edhe me drejtorët në Këshillin për Siguri Kombëtare në SHBA William Barkly, Markus Tomy.
