13 raste të reja nga epidemia e fruthit në Maqedoni

Maqedonia

13 raste të reja nga epidemia e fruthit në Maqedoni

Më: 5 shkurt 2019 Në ora: 12:59
Foto ilustrim

Nga Ministria e Shëndetësisë njoftojnë se dje janë zbuluar 14 pacientë të prekur nga epidemia e fruthit. Pas kryerjes së kontrolleve në Klinikën për sëmundje infektive njëra nga pacientët (39) nga Gostivari është shtruar në spital, ndërsa 13 të tjerët janë lëshuar për mjekim shtëpiak.

Nga këto 13, janë gjashtë fëmijë të moshës një deri dy vjet, ndërsa shtatë të tjerët janë të moshës në mes 21 dhe 38 vjet.

Nga Ministria e Shëndetësisë bëjnë thirrje deri tek qytetarët që të vaksinohen me MRP vaksinat, veçanërisht fëmijët të cilët nuk kanë marrë ende këtë vaksinë.

Nga atje gjithashtu njoftojnë se deri më tani janë vaksinuar mbi 5.600 persona.

commentFirst article
Sot mund të lexoni Shfletoni kopertinat