Pavlopulos: Nevojitet respektim i tërësishëm i Marrëveshjes së Prespës

Maqedonia

Pavlopulos: Nevojitet respektim i tërësishëm i Marrëveshjes së Prespës

Më: 5 shkurt 2019 Në ora: 16:07
Prokopios Pavloulos

Presidenti grek Prokopios Pavloulos i ka dërguar një mesazh Maqedonisë, Turqisë, dhe Shqipërisë ku nënvizon se pranimi i tyre në Bashkimin Europian është i kushtëzuar nga plotësimi i detyrimeve europiane si dhe ligjeve ndërkombëtare.

Në një deklaratë pas takimit të tij me presidenten kroate Kolinda Grabar-Kitarovic në  Zagreb, Pavlopoulos përsëriti se Greqia dhe Kroacia mbështesin perspektivën europiane të shteteve të Ballkanit si një garanci për një bashkëjetesë paqësore të vendeve të rajonit

Sidoqoftë, nënvizoi presidenti grek, perspektiva europiane e fqinjëve të Greqisë varet nga sa respektojnë ato të drejtat dhe detyrimet europiane.

“Ne kemi një detyrim ta nënvizojmë këtë me sinqeritet të plotë. Nëse ata duhet të kenë perspektivë europiane duhet të plotësojnë detyrimet që shtrohen nga legjislacioni europian.”

Maqedonia duhet të intepretojë dhe implementojë marrëveshjen e Prespës  në mënyrë të tillë që të mos lihet vend për irredentizëm. Çdo kundërtaktikë mund të bllokojë progresin e FYROM drejt BE-së,” u shpreh presidenti grek citon agjencia e lajmeve amna.gr.

commentFirst article
Sot mund të lexoni Shfletoni kopertinat