Zëdhënësi i Qeverisë, Mile Boshnjakovski demanton informatat që dolën në opinion se po rritet revolti tek qytetarët dhe se janë shkarravitur tabelat me emrin e ri Republika e Maqedonisë së Veriut.
"Është gënjeshtër se ka tabela të shkarravitura, tabelat e reja ende nuk janë vendosur askund", shkroi Boshnjakovski në Twitter.
Sipas procedurave të parapara, tabelat me emrin e ri kushtetues do të fillojnë të vendosen pasi në Gazetën Zyrtare do të publikohet se Greqia ka ratifikuar Protokolin Anëtarësues për anëtarësim të Maqedonisë në NATO.
