Ziadin Sela priti në takim Ambasadorin e SHBA-s, Xhes Bejli

Maqedonia

Ziadin Sela priti në takim Ambasadorin e SHBA-s, Xhes Bejli

Më: 11 shkurt 2019 Në ora: 16:23
Ziadin Sela dhe Xhes Bejli

“Sot në zyrat e Aleancës për Shqiptarët në Strugë, Kryetari i Aleancës, Ziadin Sela priti në një takim Ambasadorin e Shteteve të Bashkuara të Amerikës, Xhes Bejli.Takimi u realizua sipas agjendës së Ambasadorit Bejli para largimit të tij nga pozita e Ambasadorit në Maqedoni.

Gjatë takimit miqësor, qendër e bisedës ishte situata aktuale politike, planet e ASH-së për të ardhmen, si dhe vendimet e fundit politike me rastin e ndryshimeve kushtetuese, ndryshimin e emrit dhe së fundi nënshkrimi i Protokolit për pranimin e Maqedonisë së Veriut në NATO.

Ambasadori përshëndeti qëndrimin konstruktiv të Aleancës për Shqiptarët gjatë gjithë procesit, prej te hapja e Kushtetutës dhe deri në nënshkrimin e Protokollit. Kryetari i Aleancës për Shqiptarët në takim u shoqërua nga kryetari i degës së Strugës, Imer Imeri dhe kryetarja e asamblesë së gruas në Strugë, Premtime Zylali”, – thuhet në komunikatën e ASH-së.

commentFirst article
Sot mund të lexoni Shfletoni kopertinat