Kryetari i Kuvendit të Republikës së Maqedonisë së Veriut, Talat Xhaferi më 13.02.2019 do të udhëtojë për vizitë pune në Republikën e Shqipërisë.
Kreu i Kuvendit, Talat Xhafert, siç njoftojnë nga kabineti i tij, do të marrë pjesë në seancën plenare të Kuvendit të Republikës së Shqipërisë, të caktuar për datën 14.02.2019 ku do të votohet ratifikimi i protokollit për anëtarësimin e Republikës së Maqedonisë në NATO.
Kryetari i Kuvendit të Shqipërisë, Gramoz Ruçi më herët pati deklaruar se ratifikimi i protokollit për anëtarësimin e Maqedonisë së Veriut do të bëhet në seancën e ardhshme, gjegjësisht më 14 shkurt.
