Kryetari i Kuvendit të Maqedonisë së Veriut, Talat Xhaferi sot dhe nesër do të qëndrojë në vizitë pune në Bullgari, ku do të jetë i pranishëm gjatë aktit të ratifikimit të Protokollit për aderimin e Maqedonisë së Veriut në NATO në Kuvendin e Bullgarisë, që është paralajmëruar për nesër.
Pas ratifikimit, kreu i Kuvendit do të takohet me kryetaren e Kuvendit të Bullgarisë Cveta Karajançeva me të cilën bashkë do të japin deklarata për mediume.
Në kuadër të vizitës është parashikuar edhe takim me zëvendëskryeministren dhe MPJ Ekaterina Zaharieva.
