Diskutohet thellimi i bashkëpunimit për avancimin e veprimtarisë së bankave - Bota Sot
Diskutohet thellimi i bashkëpunimit për avancimin e veprimtarisë së bankave

Maqedonia

Diskutohet thellimi i bashkëpunimit për avancimin e veprimtarisë së bankave

Më: 26 shkurt 2019 Në ora: 16:16
Talat Xhaferi dhe Fehmi Mehmeti

Guvernatori i Bankës Qendrore të Republikës së Kosovës, Fehmi Mehmeti, gjatë vizitës në Shkup, ka takuar kryetarin e Kuvendit të Republikës së Maqedonisë së Veriut, Talat Xhaferi.

Guvernatori Mehmeti e ka informuar Xhaferin lidhur me zhvillimet në ekonominë dhe veçanërisht në sistemin financiar të Kosovës, duke potencuar stabilitetin makroekonomik dhe rolin e rëndësishëm të sistemit financiar në mbështetjen e rritjes së qëndrueshme të ekonomisë së vendit.

Po ashtu, guvernatori Mehmeti vlerësoi lart bashkëpunimin e Bankës Qendrore të  Kosovës me atë të Maqedonisë së Veriut dhe shprehu përkushtimin e tij për thellim të mëtejmë të bashkëpunimit në të gjitha fushat e nevojshme për avancimin e veprimtarisë së bankave qendrore.

Ndërsa, kryetari i Kuvendit të Maqedonisë së Veriut falënderoi guvernatorin Mehmeti për vizitën dhe e përgëzoi për punën e mirë të Bankës Qendrore të Kosovës në sigurimin e një sistemi financiar stabil dhe në mbështetje të stabilitetit dhe zhvillimit të ekonomisë së Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...