Disa zjarre janë aktivizuar në pjesën perëndimore të komunës së Kërçovës. Tani për tani fshatrat e këtij rajoni nuk janë në rrezik.
Nga komuna e Kërçovës njoftojnë se është aktivizuar shtabi vendor për kriza, ndërsa për t’u vepruar në mënyrë efikase, ekipet kundër zjarrit janë në terren dhe punojnë pa ndalë dhe janë angazhuar edhe aeroplanë për shuarjen e zjarrit.
Ekipet mobile janë ende në terren dhe ju bëjnë apel qytetarëve të mos ndezin zjarr në hapësira të hapura për shkak se pasojat janë të mëdha. Ata theksojnë se faktori njeri është shkaktar i zjarreve.
Përkundër terrenit të vështirë dhe të paarritshëm, situata është nën kontroll dhe ekipet mbeten në terren për ta mbikëqyrur situatën, thonë nga komuna e Kërçovës.
