Xhaferi për vizitë zyrtare në Rumani dhe Lituani

Maqedonia

Xhaferi për vizitë zyrtare në Rumani dhe Lituani

Më: 11 mars 2019 Në ora: 23:21
Talat Xhaferi

Kryetari i Kuvendit të Republikës së Maqedonisë së Veriut, z. Talat Xhaferi prej më 12.03 deri më 14.03.2019 do të qëndrojë në vizitë pune në Rumani dhe në Lituani, i shoqëruar nga deputeti Panço Minov.

Qëllimi i këtyre udhëtimeve është prezenca në aktin e ratifikimit të Protokollit për aderimin e Republikës së Maqedonisë së Veriut në NATO në Parlamentin e Rumanisë, që është paralajmëruar për më 13 mars 2019 dhe në Sejmin e Lituanisë, paralajmëruar për 14 mars 2019, ku edhe do të drejtohet para deputetëve të Sejmit të Lituanisë.

Në kuadër të këtyre vizitave të punës, Kryetari Xhaferi do të ketë edhe takime bilaterale me mikpritësit dhe me përfaqësues tjerë shtetërorë të Rumanisë dhe Lituanisë.

commentFirst article
Sot mund të lexoni Shfletoni kopertinat