Pendarovski e shpalos sloganin e fushatës për zgjedhjet presidenciale në Maqedoninë e Veriut

Maqedonia

Pendarovski e shpalos sloganin e fushatës për zgjedhjet presidenciale në Maqedoninë e Veriut

Më: 23 mars 2019 Në ora: 12:03
Stevo Pendarovski

“Së bashku përpara” është slogani i kandidatit për kryetar shteti, Stevo Pendarovski, me të cilën do të kërkojë mbështetjen e qytetarëve në zgjedhjet e 21 prillit.

Ky slogan u përzgjodh në mbledhjen e mbrëmshme të Shtabit qendror zgjedhor të LSDM-së dhe koalicionit, ku kanë marrë pjesë ministra, kryetarë komunash dhe funksionarë të lartë të partisë në pushtet, LSDM-së.

Sipas shtabit, slogani e shpreh thelbin e Programit të Pendarovskit që bazohet në parimet e bashkësisë, unifikimit të qytetarëve dhe përshpejtimit të zhvillimit të vendit në rrugën drejt NATO-s dhe BE-së.

Në mbledhjen e mbrëmshme, Zaev ka kërkuar angazhim të përgjithshëm për zgjedhje të pastra.

commentFirst article
Sot mund të lexoni Shfletoni kopertinat