Gropa të çuditshme hapen në Kumanovë dhe Manastir

Maqedonia

Gropa të çuditshme hapen në Kumanovë dhe Manastir

Më: 25 mars 2019 Në ora: 10:24
Gropa të çuditshme në Kumanovë

Gropë me thellësi prej 5-6 metra është hapur në oborrin e shtëpisë së familjes Aziroviq në Kumanovë. Gropa është me diametër prej rreth 60 centimetra.

Anëtarët e familjes Aziroviq frikësohen se vendi do të vazhdojë të fundoset dhe të bie shtëpia e tyre, ndërsa disa netë nuk kanë fjetur në shtëpinë e tyre.

Nga Qendra Rajonale për Menaxhim me Kriza, pas kryerjes së inspektimeve, kanë konstatuar se bëhet fjalë për vend nëntokësor që nga koha e ish-Ushtrisë Nacionale të Jugosllavisë, që kanë çuar në vendbanimin hekurudhor “Pero Çiço”.

Përveç këtij rasti, hapje të çuditshme të gropave janë vërejtur edhe në Manastir. Në rrjetet sociale janë shpërndarë fotografi të një grope e cila është paraqitur para një ndërtese banimi dhe është e gjerë rreth 1.5 metra.

commentFirst article
Sot mund të lexoni Shfletoni kopertinat