Ahmeti theksoi rëndësinë e zbatimit të reformave në drejtim të sundimit të së drejtës dhe plotësimin e standardeve evropiane duke shtuar pritjen e tij për arritjen e konsensusit me opozitën rreth projekteve reformuese.
“BDI është tërësisht e përkushtuar për të mbështetur dhe zbatuar reformat me shpresën që në qershor këto përpjekje tona do të vlerësohen nga Brukseli”, tha kryetari Ahmeti.
Nga ana e tij, diplomati francez shprehu pikëpamjet e vendit tij mbi zhvillimet në vend, rajon dhe BE, ndërsa theksoi mbështetjen e Parisit për Maqedoninë e Veriut.
Në takim u bisedua edhe për dialogun Prishtinë – Beograd, si dhe rreth procesit të ndërtimit të BDI-së për dy dekadat e ardhshme.
