Elezi: Menaxhimi më i mirë me paratë shtetërore përmes strategjisë për zhvillim të kontrollit të brendshëm

Maqedonia

Elezi: Menaxhimi më i mirë me paratë shtetërore përmes strategjisë për zhvillim të kontrollit të brendshëm

Më: 29 mars 2019 Në ora: 00:45
Elezi

Përmes sigurimit të sistemit efikas të kontrollit të brendshëm financiarë në sektorin publik do të mundësojë menaxhim më të mirë të mjeteve publike, më shumë përgjegjësi dhe efikasitet më të madh në shpenzimin e tyre, kështu është thënë në konferencë me përfaqësues të Komisionit evropian, OECD dhe Sigma është prezantuar “Politika për kontroll të brendshëm financiarë në sektorin publik” ose më saktë strategjia e ardhshme për zhvillim të kontrollit të brendshëm financiar.

Siç njoftojnë nga kabineti i zëvendësminsitres së financave, nga Komisioni evropian theksuan se jemi vendi i parë në rajon që kemi implikuar një strategji të tillë.

“Në këtë strategji bëhet fjalë për disa punë shumë të rëndësishme, harxhim më të përgjegjshëm dhe efikas të parave shtetërore në nivel qendror dhe lokal, planifikim strategjik të financave, mekanizëm më kualitativ, suspendim të parregullsive dhe shfrytëzimi i paligjshëm i financave publike si dhe rritja e transparencës etj, krahas kësaj edhe forcimi i kontrollit dhe aktiviteteve të ngjashme ku do të ketë ulje të korrupsionit, pasi që kjo fushë pritet të jetë pjesë e bisedimeve me BE-në, si pajtueshmëri e standardeve dhe praktikave më të mira në BE”, kështu theksoi zv.ministrja e financave Shiret Elezi.

Nga Komisioni evropian theksuan se reformat do të sigurojnë më shumë transparencë dhe përgjegjësi në sjelljen e vendimeve.

Komisioni evropian po përkrah Politikën për kontrollin e brendshëm financiar në Republikën e Maqedonisë Veriore.

Maqedonia Veriore tash ka strategji nacionale si kontrolli i brendshëm që tashmë po praktikohet në administratë publike. Reformat e tanishme padyshim që do sjellin më shumë transparencë në sjelljen e vendimeve të rëndësishme në harxhimin e parasë publike, ka deklaruar kështu Rejmond Hil drejtues për kontroll të brendshëm financiar dhe buxhet në Komisionin Evropian.

Sot mund të lexoni Shfletoni kopertinat