Kryetari i Bashkimit Demokratik për Integrim, Ali Ahmeti, i ka shprehur ngushëllime familjes dhe bashkëluftëtarëve për ndarjen nga jeta të Fetnete Ramosajt.
“Me hidhërim të thellë pranova kumtin e ikjes nga kjo jetë e Fetnete Ramosajt, pjesëtare e komandës së zonës operative të Dukagjinit, ndihmëse e komandantit për informim në zonën përkatëse. Fetnetën e njoh si një luftëtare, zonjë intelektuale dhe krijuese e shumë veprave, trime dhe atdhetare, e përkushtuar për liri dhe pavarësi”, shkroi Ahmeti.
Ai shpreh ngushëllimet e tij të sinqerta familjes Ramosaj dhe më të afërmve si dhe të gjithë bashkëluftëtarëve.
“I qoftë i lehtë dheu i Kosovës të cilën aq shumë e deshi”, përfundoi Ahmeti.
