Java e NATO-s: Nesër në Shkup do të mbahet Dita e Hapur e Ushtrisë

Maqedonia

Java e NATO-s: Nesër në Shkup do të mbahet Dita e Hapur e Ushtrisë

Më: 6 prill 2019 Në ora: 14:05
Ushtria e Maqedonisë

Nesër, 7 prill 2019, në ora 11:00, në Parkun e Qytetit në Shkup , do të mbahet një Ditë e Hapur e Ushtrisë për qytetarë, njoftojnë nga Ministria e Mbrojtjes.

Nga Ministria e Mbrojtjes njoftojnë që Dita e Hapur organizohet me rastin e Javës së NATO-s, 70 vjetorin e themelimit të Aleancës dhe progresin e Republikës së Maqedonisë së Veriut drejt anëtarësimit në NATO. Ngjarja do të ndiqet nga Ministrja e Mbrojtjes, Radmilla Shekerinska dhe Shefi i Shtabit të Përgjithshëm, Vasko Gjurçinovski.

“Në ditën e hapur, anëtarët e Njësisë së Operacioneve Speciale do të paraqesin një pjesë të arteve të tyre marciale për qytetarët, rojet do të paraqiten me pikën e ekzekutimit dhe orkestra ushtarake do të kryejë disa kompozime. Anëtarët e Njësisë së Operacioneve Speciale të MPB gjithashtu do të paraqesin aftësitë e tyre dhe helikopteri i ushtrisë do të fluturojë mbi parkun e qytetit. Fëmijët nga shoqata “Trisomija 21” do të performojnë”, thuhet në kumtesë.

Nga Ministria e Mbrojtjes njoftojnë që në kuadër të ngjarjes, do të shpallen tri esetë më të mira në temën “NATO dhe TI”, e cila do të shpërblehet me një vizitë studimore në selinë e Aleancës në Bruksel. Do të shpallen edhe fituesit e garët NATO-Atletika, në tre dhe pesë kilometra. Tre vendet e para të garave prej pesë dhe tre kilometrave do të shpërblehen me pjesëmarrjen në një maratone ndërkombëtare.

commentFirst article
Sot mund të lexoni Shfletoni kopertinat