Lideri i Bashkimit Demokratik për Integrim (BDI), Ali Ahmeti sot ka komentuar procesin e marrjes së datës për nisjen e bisedimeve mes Maqedonisë së Veriut dhe Bashkimit Evropian (BE), dhe ka thënë se nëse ajo nuk ndodh në muajin qershor, do të ndodh në shtator.
“Nëse nuk ndodh në qershor, do të ndodh në shtator, por është një proces shumë i rëndësishëm, dhe ne duhet të punojmë në drejtim të përshpejtimit të zbatimit të standardeve që na afrojnë me BE-në, në veçanti sundimin e ligjit, luftën kundër krimit, kundër korrupsionit”, tha Ahmeti.
