Partia më e madhe maqedonase në pushtet, LSDM përmes një kumtese me shkrim thonë se Gordana Siljanovska, kandidatja e Hristian Mickoskit pranoi se nuk e njeh shtetin, se nuk e njeh popullin e saj prej të cilit sot kërkon mbështetje, transmeton Zhurnal.
Nga kjo parti thonë se Siljanovska nuk i respekton qytetarët, nuk i respekton mediat dhe gazetarët dhe ikë nga përballja me opinionin.
"Me sjelljen e këtillë, Siljanovska e ndjek shembullin e kriminalit të dënuar Nikolla Gruevski i cili me vite ikte nga debatet dhe përballjet me opinionin dhe mediat. Siljanovska çdo ditë konfirmon se nuk është e denjë për funksionin për të cilin kandidon. Fushata tashmë po përfundon, ndërsa qytetarët nga Siljanovska nuk panë asnjë përgjigje konkrete. as një zgjidhje që është në interes së qytetarëve. përveç hipokrizisë, pandershmërisë dhe mungesës së sinqeritetit", thuhet në kumtesën e LSDM.
Nga partia në pushtet mes tjerash shprehen se qytetarët e shohin sjelljen e këtillë të Siljanovkës, ndërsa porosinë do ta transmetojnë tashmë të dielën, kur në mënyrë masive do ta mbështesin konceptin e Stevo Pendarovskit, i cili çon përpara.