Zaev: Administrata publike zvogëlohet, një pjesë e të punësuarve do të motivohen që të shkojnë në sektorin privat

Maqedonia

Zaev: Administrata publike zvogëlohet, një pjesë e të punësuarve do të motivohen që të shkojnë në sektorin privat

Më: 18 prill 2019 Në ora: 14:28
Zoran Zaev

“Administrata publike në vazhdimësi zvogëlohet, ndërsa në të ardhmen të punësuarit do të motivohen të pranojnë vende pune më mirë të paguara dhe më me perspektivë në sektorin privat”, këtë e deklaroi sot kryeministri Zoran Zaev, duke u përgjigjur në lidhje me njoftimet se po rritet numri i të punësuarve në sektorin publik.

Zaev thotë se numri i administratës publike nuk rritet dhe për momentin të punësuar janë 149.000 qytetarë.

“Kur u bëra kryeministër numri ishte 165.000, ndërsa për momentin është diku në mes 148.000 apo 149.000”, tha Zaev duke shtuar se po mbushen vendet e nevojshme.

Ai thotë se në të ardhmen do të përpunojnë plane për motivimin e qytetarëve nga sektori publik me vullnet të tyre dhe me bindje të pranojnë vende të punës nga sektori privat.

Zaev tha se askush nuk do ta humbasë vendin e punës dhe se shumë vende kanë arritur ta bëjnë një të tillë.

commentFirst article
Sot mund të lexoni Shfletoni kopertinat