Në Ministrinë e Shëndetësisë kanë arritur 12 autoambulancat e reja, për të cilat, më 7 dhjetor 2018 u nënshkrua tenderi me ndërmarrjen “Automotiv Grup”. 6 autoambulanca do t’i marrë Shtëpia e Shëndetit e Shkupit, kurse për 6 të tjerat, ende nuk është vendosur se ku do të shpërndahen, njoftoi sot ministri i Shëndetësisë, Venko Filipçe.
“Kanë arritur 12 veturave e reja të Ndihmës së Shpejtë Mjekësore (NSHM). Gjatë ditëve në vijim do të regjistrohen dhe do të lëshohen në përdorim. 6 prej 12 autoambulancave do të shkojnë në Shkup, kurse 6 të tjerat do të shpërndahen aty ku ka më shumë nevojë, në tërë shtetin”, tha Filipçe.
Ekipet mobile nga Ministria e Shëndetësisë do të fillojnë nesër vaksinimin në vend, njoftoi Ministri i Arsimit Arbër Ademi.
Pas njoftimit se fëmijët e pavaksinuar nuk do të pranohen në çerdhe apo shkollë, Ademi theksoi se ata janë në kontakt të vazhdueshëm me Ministrinë e Shëndetësisë dhe po punojnë për harmonizimin e Ligjit.
Ai vuri në dukje se situata me fruthin është alarmante, gjë që në vetvete nënkupton marrjen e një fushate agresive të vaksinimit. Ademi siguroi se vaksinimi në terren do të japë rezultatet e pritura dhe se zgjidhja e miratuar rishtazi do të jetë në përputhje me dispozitat kushtetuese.
